ឈុត​​​សៀវភៅ​​​នេះ ​​នឹង​​​ធ្វើ​​​ឲ្យ​​​លោក​​​អ្នក​​​ព្រម​​​ទាំង​​​កូនៗ ​​​មាន​​​ការ​​​ភ្ញាក់​​​ផ្អើល ​​​ពីព្រោះ​​​វា​​​នឹង​​​បង្ហាញ​​​ពី​​​លក្ខណៈ​​​ពិសេស​​​ដ៏​​​អស្ចារ្យ​​​ដែល​​​លោក​​​អ្នក​​​នឹក​​​ស្មាន​​​មិន​​​ដល់។ ​​​លោក​​​អ្នក ​​​ពិត​​​ជា​​​ដឹង​​​ច្បាស់​​​ថា ​​បក្សី​​​ហើរ​​​ទៅ​​​មុខ​​​មែន​​​ទេ? ​​​តែ​​​បក្សី​​​ដ៏​​​អស្ចារ្យ​​​មួយ​​​ប្រភេទ ​​​អាច​​​ហើរ​​​ទៅ​​​មុខ ​​​ទៅក្រោយ ​​ទៅ​​​ឆ្វេង ​​​ទៅ​​​ស្ដាំ​​​ ទៅ​​​លើ ​​​ទៅ​​​ក្រោម ​​ឬ​​​នៅ​​​នឹង​​​ថ្កល់​​​បាន។ឯ​​​បក្សី​​​មួយ​​​ប្រភេទ​​​ទៀត ​​​មាន​​​ភ្នែក​​​មុត​​​អាច​​​មើល​​​ឃើញ​​​ច្បាស់ ​​​ហើយ​​​ស្លាប​​​វា​​​មាន​​​កម្លាំង​​ខ្លាំង​​​ដែល​​​អាច​​​ហើរ​​​បាន​​​យ៉ាង​​​ខ្ពស់​​​ និង ​​​យ៉ាង​​​លឿន។ ​​​កាន់​​​តែ​​​អស្ចារ្យ​​​ជាង​​​នេះ ​​​ក៏​​​មាន​​បក្សី​​​មួយ​​​ប្រភេទ​​​ទៀត ​​​អាច​​​ហើរ​​​សំកាំង​​​បាន​​​ជាង​​​ មួយពាន់ ​​គីឡូម៉ែត្រ ​​ដោយ​​​គ្រាន់​​​តែ​​​ទទះ​​​ស្លាប​​​ដ៏​​​វែង​​​របស់​​​វា ​​​ពីរ ​​បី ​​​ដង​​​ប៉ុណ្ណោះ។ ​​​លោក​​​អ្នក ​​​និង ​​​កូនៗ​​​អាច​​​នឹង​​​ស្វែង​​​យល់​​​បន្ថែម​​​ទៀត ​​​ពី​​​លក្ខណៈ​​​ពិសេស​​​ផ្សេង​​​ៗ​​​ទៀត​​របស់​​​បក្សី​​​ខាង​​​លើ ​​​និង ​​​សត្វ​​​ជា​​​ច្រើន​​​ទៀត​​​នៅ​​​ក្នុង​​​ឈុត​​​សៀវភៅ ​​​«សត្វដ៏អស្ចារ្យ» ​​ទាំង​​​៤ក្បាល​​​នេះ ៕